ទិដ្ឋភាពទូរទៅ

ចាប់តាំងពីពេលដែលបានបង្កើតក្រុមការងារនៅក្នុងឆ្នាំ ២០១៩ មក ហ្វឺស ហ្វាយនែន នៅតែបន្តការផ្តល់ប្រឹក្សាអំពីព័ត៌មាន​ទូទៅបន្ថែមទាក់ទងទៅនឹងកម្ចីលំនៅដ្ឋានទៅកាន់សាធារណជន និង​អតិថិជនរបស់ខ្លួន ដែលវាគឺជាផ្នែកនៃបេសកកម្មសង្គមក្នុងការផ្តល់​សេវាមិនមែនហិរញ្ញវត្ថុ ។ សាធារណជនអាចទូរសព្ទសាកសួរអំពី​ដំណើរការ​ក្នុងការកាត់ប្លង់ របៀបពិនិត្យមើលពីភាពស្របច្បាប់​របស់​​អ្នក​អភិវឌ្ឍអចលនទ្រព្យ និងបញ្ហាផ្សេងទៀតទាក់ទងទៅនឹង​ផ្ទះ​​សម្បែង ។ ជាមួយគ្នានេះផងដែរ យើងខ្ញុំបានបង្កើតអត្ថបទអប់រំខ្លីៗ រួច​ដាក់​បង្ហាញនៅលើបណ្តាញសង្គមហ្វេសប៊ុក ។  ហ្វឺស ហ្វាយនែន ពិតជាមានមោទកភាពដែល​បាន​​ចូលរួមបង្កើននូវចំណេះដឹងបន្ថែមទៅកាន់សាធារណជន ដើម្បី​ឱ្យ​ពួកគាត់អាចការពារខ្លួនឯងបាន និងធ្វើសេចក្តីសម្រេចចិត្តបានត្រឹមត្រូវ ក្នុងការជ្រើសរើសទិញអចលនទ្រព្យដែលជាលំនៅដ្ឋានរបស់ពួកគាត់ ។

​​​​​​​ហ្វឺស ហ្វាយនែន បានឈានមួយជំហានទៀត ក្នុងការ​គ្រប់គ្រង​សមិទ្ធិ​ផល​សង្គម និងបរិស្ថាន​ប្រកប​ដោយ​ប្រសិទ្ធិភាព តាម​រយៈ​​ការបង្កើត​គោលនយោបាយគ្រប់គ្រង​សមិទ្ធិផល​សង្គម និង​បរិស្ថាន ការបង្កើតក្របខណ្ឌហិរញ្ញវត្ថុសង្គម និងរបាយការណ៍ ដែលវាត្រូវបានត្រួតពិនិត្យ និងវាយតម្លៃដោយស្ថាប័នមួយឈ្មោះថា Moody’s ។ យើងខ្ញុំក៏បានផ្តល់ការអប់រំអំពីការវាយតម្លៃផលប៉ះ​ពាល់​​​សង្គម និងបរិស្ថាន ព្រមជាមួយរបៀបនៃការកាត់បន្ថយ និង​​​គ្រប់គ្រង​ហានិភ័យទាំងនោះទៅកាន់បុគ្គលិក អតិថិជន និង​សហគមន៍ ។ ហ្វឺស ហ្វាយនែន បានដាក់បញ្ចូលការវាយតម្លៃពីផល​ប៉ះ​ពាល់​សង្គម និងបរិស្ថានចូលទៅក្នុងនិតីវិធីសិក្សារវាយតម្លៃឥណ​ទាន ក៏ដូចជាដំណើរការពិនិត្យ និងតាមដានឥណទាន ក្នុង​គោល​​បំណងការពារ និងកាត់បន្ថយគ្រោះថ្នាក់ដល់បរិស្ថាន និង​ចូលរួម​លើក​តម្កើងឱ្យមានសមភាព និងសមធម៌ក្នុងសង្គម ។ យើងខ្ញុំ​នឹង​ធ្វើការត្រួតពិនិត្យ និងវាយតម្លៃឥណទានឡើងវិញជា ប្រចាំឆ្នាំ​សម្រាប់​កម្ចីដែលធំជាង ៣ម៉ឺនដុល្លារឡើង ។