គ្រឹះស្ថានមីក្រូហិរញ្ញវត្ថុ ហ្វឺស ហ្វាយនែន ភីអិលស៊ី ធ្លាប់ជាក្រុមហ៊ុនដែលបណ្តាក់ទុនរួមគ្នារវាង ក្រុមហ៊ុន ហ្វឺស ហូម ភីអិលស៊ី ដែលមានទីតាំងក្នុងប្រទេសកម្ពុជា Phillip Capital ដែលមានទីតាំងក្នុងប្រទេសសិង្ហបុរី Insitor Fund ដែលមានទីតាំងក្នុងប្រទេសលុចសំបួរ មូលនិធិអភិវឌ្ឍន៍កម្ពុជា ឡាវ ( Cambodia-Laos Development Fund ) និង Norfund ដែលមានទីតាំងក្នុងប្រទេសន័រវេស។ មកដល់ខែ មិថុនា ឆ្នាំ ២០២២ ភាគហ៊ុន ១០០% ត្រូវបានផ្ទេរ ដោយស្ថិតនៅក្រោមការគ្រប់គ្រងក្រុមហ៊ុនក្នុងស្រុក។
ហ្វឺស ហ្វាយនែន បានទទួលអាជ្ញាប័ណ្ណពីធនាគារជាតិនៃកម្ពុជា នៅថ្ងៃទី២៣ ខែមេសា ឆ្នាំ២០០៩ ហើយបានក្លាយជាគ្រឹះស្ថានមីក្រូហិរញ្ញវត្ថុឯកទេស ក្នុងការផ្តល់ឥណទានលំនៅដ្ឋានខ្នាតតូចរយៈពេលវែង ដំបូងគេក្នុងប្រទេសកម្ពុជា ។ ហ្វឺស ហ្វាយនែន ផ្តោតទៅលើការផ្តល់ប្រាក់កម្ចីទិញផ្ទះ ជួសជុល និងសាងសង់ផ្ទះរយៈពេលវែង ក៏ដូចជាកម្ចីអចលទ្រព្យធានារយៈពេលមធ្យម ទៅដល់គ្រួសារដែលមានចំណូលទាប និងមធ្យម ដែលភាគតិចណាស់ មានលទ្ធភាពប្រើប្រាស់សេវាកម្ចីលំនៅដ្ឋានរបស់គ្រឹះស្ថានហិរញ្ញវត្ថុផ្លូវការនានា ។ ភាគច្រើននៃធនាគារពាណិជ្ជផ្តោតការផ្តល់សេវាដល់អតិថិជនដែលមានចំណូលខ្ពស់ ។
ជួយឱ្យក្រុមគ្រួសារនៅក្នុងប្រទេសកម្ពុជាដែលមានចំណូលមធ្យមកម្រិតទាប បានរស់នៅក្នុងសេចក្តីថ្លៃថ្នូរ សុវត្ថិភាព សុភមង្គល និងមានស្ថេរភាព តាមរយៈការផ្តល់លទ្ធភាពឱ្យពួកគាត់មានផ្ទះជាកម្មសិទ្ធិផ្ទាល់ខ្លួន
បង្កើតស្ថេរភាពសេដ្ឋកិច្ចនៃគ្រួសារកម្ពុជាដែលមានចំណូលមធ្យមកម្រិតទាប តាមរយៈការផ្តល់សេវាឥណទានដើម្បីឱ្យយពួកគាត់ក្លាយជាម្ចាស់កម្មសិទ្ធិនៃផ្ទះសម្បែង
សុចរិតភាព
ដើម្បីសម្រេចបាននូវចក្ខុវិស័យរបស់យើង យើងប្រកាន់ខ្ជាប់នូវភាពស្មោះត្រង់ និងមានតម្លាភាពគ្រប់សកម្មភាពការងាររបស់យើង ។
ការឆ្លើយតប
យើងតែងនៅកៀកស្និទ្ធជាមួយអតិថិជនគ្រប់គ្រាន់ល្មម ដែលអាចឲ្យយើងផ្តល់ការយកចិត្តទុកដាក់ និងឆ្លើយតបតម្រូវការរបស់ពួកគាត់ទាន់ពេលវេលា ។ យើងក៏មានទំនួលខុសត្រូវគ្រប់ទង្វើរបស់យើង និងបើកចិត្តទូលាយក្នុងការទទួលយកការរិះគន់ដើម្បីស្ថាបនាផងដែរ ។
ភាពច្នៃប្រឌិតខ្ពស់
យើងមានគំនិតច្នៃប្រឌិតខ្ពស់ ក្នុងការស្វែងរកដំណោះស្រាយដែលមានប្រសិទ្ធិភាពដើម្បីបម្រើអតិថិជនរបស់យើងឲ្យកាន់តែប្រសើរជាងមុន ។
ភាពស្មើគ្នា
យើងមានមោទនភាពចំពោះការគោរព ការមានជំនាញវិជ្ជាជីវៈច្បាស់លាស់ និងការបម្រើដល់អតិថិជនដោយស្មើភាព។
ឧត្តមភាព
ការងាររបស់យើង គឺធ្វើឡើងដោយអស់ពីកម្លាំងកាយចិត្ត។
ចំពោះគ្រួសារ ហ្វឺស ហ្វាយនែន (បុគ្គលិកនិងថ្នាក់ដឹកនាំ)
IRISE មានន័យថា យើងនៅតែព្យាយាម ធ្វើកិច្ចការរបស់យើងឲ្យកាន់តែល្អនិងប្រសើរជាងមុន។ យើងធ្វើប្រតិបត្តិការដែលឆ្លើយតបទៅនឹងតម្រូវការរបស់អតិថិជន ប្រកបដោយភាពស្មោះត្រង់ និងមានតម្លាភាពជានិច្ច។ ជាមួយនិងការច្នៃប្រឌិតខ្ពស់និងមានប្រសិទ្ធិភាពក្នុងការងារ យើងអាចបម្រើអតិថិជនរបស់យើងឲ្យកាន់តែល្អប្រសើរជាងមុន។ យើងរួមគ្នាដើម្បីឲ្យការងាររបស់យើងកាន់តែមានសន្ទុះខ្លាំងទៅមុខ ក្នុងការលើកកម្ពស់ភាពយុត្តិធម៌ក្នុងសង្គមកម្ពុជា។
ចំពោះអតិថិជនហ្វឺស ហ្វាយនែន
ដោយមានការជឿជាក់ទៅលើគុណតម្លៃ IRISE របស់ ហ្វឺស ហ្វាយនែន អតិថិជនរបស់យើង អាចធ្វើឲ្យ ជីវភាពគាត់កាន់តែប្រសើរឡើង ដើម្បីរស់ក្នុងភាពថ្លៃថ្នូរ សន្តិសុខ សុភមង្គលនិងមានស្ថិរភាព តាមរយៈ ភាពជាម្ចាស់ផ្ទះ។
ប្រជាជនកម្ពុជាភាគច្រើន មិនមានឱកាសទទួលបានសេវាហិរញ្ញវត្ថុផ្នែកផ្ទះសម្បែងជាផ្លូវការនោះទេ។ បច្ចុប្បន្នធនាគារជាច្រើនបានចាប់ផ្តើមផ្តល់កម្ចីទិញផ្ទះ ប៉ុន្តែសេវានេះត្រូវបានគេផ្តោត តែទៅលើអតិថិជនដែលមានជីវភាពធូរធារប៉ុណ្ណោះ។
ហ្វឺស ហ្វាយនែនផ្តល់កម្ចីទិញផ្ទះ និងសេវាកម្មជាក់លាក់ដែលឆ្លើយតបទៅនឹងតម្រូវការរបស់អតិថិជន ស្របជាមួយនឹងស្ថានភាពជាក់ស្ដែងនៃប្រទេសកម្ពុជា។ អតិថិជនអាចជួបពិភាក្សាផ្ទាល់ជាមួយមន្ត្រីប្រឹក្សាឥណទានរបស់យើង ដើម្បីយល់ច្បាស់ពីផលិតផល ក៏ដូចជាដំណើរការផ្លូវច្បាប់ ដែលភ្ជាប់ទៅនឹងការទិញផ្ទះលើកដំបូង។
ទស្សនៈរបស់យើងមានភាពសាមញ្ញ ៖
យើងគិតដូចជាអតិថិជន និងធ្វើខ្លួនដូចជាម្ចាស់
វិធីសាស្រ្តរបស់យើងគឺកាន់តែងាយ ៖
ផ្តល់នូវសេវានិងផលិតផលដែលឆ្លើយតបទៅនឹងតម្រូវការទីផ្សារ
ផ្តល់នូវនីតិវិធីដែលមានភាពរហ័សនិងងាយស្រួល
ធ្វើប្រតិបត្តិការប្រកបដោយភាពបត់បែន និងមានតម្លាភាព
បង្ហាញពីភាពសុចរិតទៀងត្រង់ និងសីលធម៍ក្នុងការអនុវត្តអាជីវកម្ម
ប្រការទី១ ៖ រក្សាការសម្ងាត់ គ្រប់បុគ្គលិកទាំងអស់ របស់គ្រឹះស្ថានមីក្រូហិរញ្ញវត្ថុ ហ្វឺស ហ្វាយនែន
-ត្រូវរក្សាការសម្ងាត់របស់ស្ថាប័ន និង/ឬ ភ្ញៀវ និងមិនត្រូវប្រើប្រាស់ព័ត៌មានសម្ងាត់ក្នុងគោលបំណងមិនត្រឹមត្រូវឡើយ លុះត្រាតែបានទទួលការយល់ព្រមជាមុនពីសាមីជន ឬថ្នាក់គ្រប់គ្រងស្ថាប័ន ។
- មិនត្រូវប្រើព័ត៌មានសម្ងាត់ដើម្បីផលប្រយោជន៍ផ្ទាល់ខ្លួនឡើយ ។
ប្រការទី២ ៖ ការអនុលោមតាមច្បាប់ និងបទប្បញ្ញត្តិ
គ្រប់បុគ្គលិកទាំងអស់ រួមទាំងគោរការណ៍ផ្សេងៗ របស់គ្រឹះស្ថានមីក្រូហិរញ្ញវត្ថុ ហ្វឺស ហ្វាយនែន ត្រូវតែអនុវត្តស្របតាមច្បាប់ និងបទប្បញ្ញត្តិជាធរមានទាំងអស់ ក្នុងការគ្រប់គ្រងសកម្មភាពវិជ្ជាជីវៈ និងមិនត្រូវចូលរួមដោយចេតនា ឬជួយក្នុងការបំពានលើច្បាប់ ឬបទប្បញ្ញត្តិណាមួយឡើយ ។
ប្រការទី៣ ៖ សីលធម៌ និងសុជីវធម៌
ត្រូវមានកិរិយាមាយាទល្អ មានសណ្តាប់ធ្នាប់ មិនបៀតបៀន បរិហាកេរ្តិ៍អ្នកដទៃ មិនប្រព្រឹត្តអំពើអាណាចារ្យ មិនរើសអើង រួសរាយរាក់ទាក់ មិននិយាយពាក្យអសុរោះ គោរពគ្នាទៅវិញទៅមក ឧស្សាហ៍ព្យាយាម និងខិតខំបំពេញការងារប្រកបដោយសមត្ថភាព ។
គ្រប់បុគ្គលិកទាំងអស់ មិនត្រូវប្រើពាក្យសម្តី ឬ សកម្មភាពទាំងឡាយដូចខាងក្រោមនេះ ជាមួយបុគ្គលិករួមការងារ និង អតិថិជន ដាច់ខាត ៖
- ការប្រើភាសា ឬពាក្យសម្តីរំលោភបំពាន
- ការប្រើកម្លាំងបំពានលើរាងកាយ
- ការបៀតបៀនផ្លូវភេទ តាមគ្រប់រូបភាព
- ការស្រែក ឬ ការគំរាមកំហែងអតិថិជនតាមគ្រប់រូបភាព
- ការចូលផ្ទះរបស់អតិថិជនដោយមិនបានអញ្ជើញ ឬ ដោយគ្មានការអនុញ្ញាត
- ការបង្ខួចកេរ្តិ៍ឈ្មោះអតិថិជនជាសាធារណៈ ។
ប្រការទី៤ ៖ តម្លាភាព និងសុចរិតភាពវិជ្ជាជីវៈ
គ្រប់បុគ្គលិកទាំងអស់ របស់គ្រឹះស្ថានមីក្រូហិរញ្ញវត្ថុ ហ្វឺស ហ្វាយនែន ៖
- ត្រូវដោះស្រាយបញ្ហាទាំងអស់ជាមួយដៃគូ ភ្ញៀវ សាធារណជន និងជនពាក់ព័ន្ធដទៃទៀត ប្រកបដោយវិជ្ជាជីវៈ ក្រមសីលធម៌ និងសុចរិតភាព ។
- ត្រូវផ្តល់សេវាតាមរយៈការវិនិច្ឆ័យសមហេតុផល មិនត្រូវទាមទារ ឬទទួលយកអំណោយ អត្ថប្រយោជន៍ សំណង ឬការតបស្នងណាមួយ ដែលជាថ្នូរក្នុងការសម្របសម្រួល ចំពោះការផ្តល់សេវា ឬការវិនិច្ឆ័យផ្សេងៗឡើយ ។
- មិនត្រូវបង្ហាញព័ត៌មានលម្អិតពាក់ព័ន្ធនឹងការវិភាគ អនុសាសន៍ សកម្មភាព ឬសកម្មភាពវិជ្ជាជីវៈផ្សេងទៀតដោយចេតនាឡើយ ។
- មិនត្រូវចូលរួមក្នុងសកម្មភាពណាមួយ ដែលពាក់ព័ន្ធ ឬមានចរិតពាក់ព័ន្ធនឹងភាពមិនស្មោះត្រង់ ឆបោក គៃបន្លំ ឬ បោកបញ្ឆោតឡើយ ។
- មិនត្រូវរើសអើងដោយផ្អែកលើជាតិសាសន៍ ភេទ ទំនោរផ្លូវភេទ ជំនឿសាសនា ទស្សនៈនយោបាយ និងពិការភាពឡើយ ។
- បង្ហាញភ្ញៀវនូវ លក្ខខណ្ឌទាំងអស់នៃសេវាកម្មហិរញ្ញវត្ថុរបស់ស្ថាប័ន ជាភាសាដែលភ្ញៀវយល់ ។
- ផ្តល់ព័ត៌មានដល់ភ្ញៀវអំពីអត្រាការប្រាក់ដែលត្រូវបង់ ការគណនាការប្រាក់ (ប្រចាំខែ/ត្រីមាស/ឆមាស) រយៈពេលកម្ចី ទិន្នន័យផ្សេងទៀតដែលពាក់ព័ន្ធនឹងការប្រាក់ និងការគិតកម្រៃផ្សេងទៀត ។
- ផ្តល់ព័ត៌មានដល់ភ្ញៀវ អំពីអត្រាការប្រាក់ដែលស្ថាប័នផ្តល់ជូនភ្ញៀវ លើសេវាកម្មសន្សំសំចៃ ។
- ផ្តល់របាយការណ៍ជូនភ្ញៀវតាមកាលកំណត់ ។
ប្រការទី៥ ៖ ទំនាស់ផលប្រយោជន៍
គ្រប់បុគ្គលិកទាំងអស់ របស់គ្រឹះស្ថានមីក្រូហិរញ្ញវត្ថុ ហ្វឺស ហ្វាយនែន ៖
- ត្រូវបែងចែកដាច់ដោយឡែករវាងអាជីវកម្មផ្ទាល់ខ្លួន និងការបំពេញការងារជូនស្ថាប័ន
- ត្រូវមានតម្លាភាពលើគ្រប់ស្ថានភាពទាំងអស់ និងត្រូវប្រកាសពីបញ្ហា ឬ លទ្ធភាពដែលអាចជាទំនាស់ និង ផ្តល់ផលប៉ះពាល់ដល់ភាគីដែលរងផលប៉ះពាល់ទាំងអស់ ។
- គ្រប់បុគ្គលិកទាំងអស់តម្រូវឱ្យ ប្រកាសមកស្ថាប័នចាប់តាំងពីថ្ងៃចូលធ្វើដំបូង និង/ឬក្នុងអំឡុងពេលបំពេញការងារ នូវអាជីវកម្ម ឬការងាររបស់ខ្លួន ឬ ក្រុមគ្រួសារ ដែលដូច ប្រហាក់ប្រហែល ឬដែលមាននិន្នាការ ប៉ះពាល់ដល់ផលប្រយោជន៍អាជីវកម្មរបស់គ្រឹះស្ថានមីក្រូហិរញ្ញវត្ថុ ហ្វឺស ហ្វាយនែន ក្នុងពេលបច្ចុប្បន្ន ឬ នាពេលអនាគត ។
អបអរសាទរ គ្រឹះស្ថានមីក្រូហិរញ្ញវត្ថុ ហ្វឺស ហ្វាយនែន ទទួលបានវិញ្ញាបនបត្រស្តីពីការអនុវត្តន៍គោលការណ៍ការពារអតិថិជន គ្រឹះស្ថានមីក្រូហិរញ្ញវត្ថុ ហ្វឺស ហ្វាយនែន ភីអិលស៊ី បានទទួលវិញ្ញាបនបត្រកម្រិតមាសដែលជាកម្រិតខ្ពស់បំផុត សម្រាប់ការអនុវត្តលើគោលការណ៍ការពារអតិថិជន ដែលជាស្តង់ដារថ្មី ពីស្ថាប័ន Cerise និង SPTF ។
ហ្វឺស ហ្វាយនែន មានកិត្តិយសដោយបានទទួល ពានរង្វាន់ធុរកិច្ចអាស៊ាន ឆ្នាំ២០១២ (Asean Business Award) ។ មានក្រុមហ៊ុនចំនួន ២៦ មកពីបណ្តាប្រទេសជាសមាជិកអាស៊ាន (ASEAN) ទាំង១០ ប្រទេស ដែលបានមកទទួលរង្វាន់ ដោយក្នុងនោះមាន ៣ ជាក្រុមហ៊ុន នៅក្នុងប្រទេសកម្ពុជា ។ ដំណើរការនៃការវាយតម្លៃ ត្រូវបានរៀបចំដោយក្រុមហ៊ុន KPMG ដែលត្រូវបានតែងតាំជា ដៃគូយុទ្ធសាស្ត្រ នៃក្រុមប្រឹក្សាធុរកិច្ច ASEAN ហើយសេចក្តីសម្រេចត្រូវបានធ្វើឡើងដោយគណមេប្រយោគឯករាជ្យ រួមមាន ក្រុមអ្នកដឹកនាំធុរកិច្ចកំពូលៗ អ្នកជំនាញផ្នែកសេដ្ឋកិច្ច និងអ្នកឯកទេសពាក់ ព័ន្ធផ្សេងៗទៀត មកពីបណ្តាប្រទេសជាសមាជិកអាស៊ាន។
គ្រឹះស្ថានមីក្រូហិរញ្ញវត្ថុ ហ្វឺស ហ្វាយនែន ភីអិលស៊ី បានទទួលវិញ្ញាបនបត្រ Cambodia Transparent Pricing Initiative ពី MicroFinance Transparency នៅថ្ងៃទី 7 ខែសីហា ឆ្នាំ 2009។
