ពេលដែលជ្រើសរើសពណ៌សម្រាប់លាបផ្ទះបានត្រឹមត្រូវយើងនឹងទទួលបានភាពភាពរំភើបពីគ្រប់ទីកន្លែងក្នុងផ្ទះ។ ការជ្រើសរើសពណ៌ ដែលឥតខ្ចោះវាពិតជាពិបាកណាស់។ សូមមើលពីវិធីសាស្រ្តទាំង៧ដើម្បីជ្រើសរើសពណ៌ឲ្យបានត្រឹមត្រូវ។

ទី១. ផ្តោតលើពណ៌ដែលអ្នកចូលចិត្ត។ រើសពណ៍ដែលអ្នកស្រលាញ់ដោយយោងលើពណ៌ ដែលអ្នកកំពុងប្រើដូចជាសំលៀកបំពាក់ ឬក៏រូបថតដែលអ្នកចូលចិត្ត។ ប្រើពណ៌ទាំងនេះដើម្បីនាំការគិតនិងការជ្រើសរើសរបស់អ្នកហើយធ្វើតាមរបៀបដែលអ្នកចង់បាន។

ទី២. ប្រើពណ៌គ្រឿងសង្ហារឹមដែលមានស្រាប់ឬក៏ពណ៌នៃចំនែកណាមួយក្នុងផ្ទះធ្វើជាគោលក្នុងការរើសពណ៌ថ្មី។ អ្នកអាចសាកធៀបជញ្ជាំងជាមួយនឹងរបស់ទាំងនេះ។ ពណ៌ដិតខ្លាំងអាចសាកសមជាមួយនឹងរបស់ណាមួយឬគ្រឿងសង្ហារឹមណាមួយ តែវាអាចនឹងមិនសមជាមួយនឹងជញ្ជាំងដែលមានផ្ទៃធំនោះទេ។ តែសូមរើសពណ៌ដែលស្រាលជាង ឬពណ៌ដែលខុសពីគ្រឿងផ្សេងៗដែលអ្នកមាន។

ទី៣. សូមគិតពីទំហំនៃបន្ទប់របស់អ្នក។ តើអ្នកចង់បានអារម្មណ៍ថាបន្ទប់ធំប៉ុណ្ណា? ពណ៌ដិតធ្ងន់ធ្វើឲ្យមានអារម្មណ៍ថាបន្ទប់តូចហើយកក់ក្តៅ ចំនែកឯពណ៌ស្រាលស្តើងធ្វើឲ្យមានអារម្មណ៍ថាបន្ទប់ធំនិងស្រស់ស្រាយ។

ទី៤. សូមប្រៀបធៀបជាមួយនឹងពណ៌នៃជញ្ជាំងដែលនៅក្បែរ ហើយមើលពណ៌នៃផ្ទះអ្នកទាំងមូល។ ពណ៌គួរតែស្រដៀងគ្នាពីកន្លែងមួយទៅកន្លែងមួយ។ បើមិនទាន់ច្បាស់ ពណ៌ពីផ្លិតមួយនេះអាចជួយអ្នកបានក្នុងការសន្មត់និងប្រៀបធៀបពណ៌ដែលអ្នកមានស្រាប់។

ទី៥. សូមវិភាគពីពន្លឺក្នុងបរិយាកាសមុនអ្នកលាបពណ៌។ ក្នុងបរិយាកាសពន្លឺផ្សេងគ្នាវានឹងធ្វើឲ្យពណ៌ប្រែប្រួលខុសគ្នាហេតុដូច្នេះសូមធ្វើការសាកល្បងនៅកន្លែងមានពន្លឺសមរម្យជាមុនសិន។ ពន្លឺធម្មជាតិនឹងជួយឲ្យយើងឃើញពណ៌ពិតនៃពណ៌ ណាមួយ ចំនែកឯពន្លឺអំពូលពងមាន់វាផ្តល់ភាពស្រគត់ស្រគម និងពណ៌ លឿង ហើយឯពន្លឺអំពូលម៉ែតវាផ្តល់ពណ៌ខៀវ។

ទី៦. ពិចារណាពីតួនាទីនៃបន្ទប់និងអារម្មណ៍ដែលចង់បាន។ សូមយើសម្រេចចិត្តដោយគិតពីគោលបំណងនៃបន្ទប់។ ចង់បានបន្ទប់ដែលផ្តល់ថាមពល? សូមប្រើពណ៌ក្រហមស្រគមនិងពណ៌លឿង។ សូមប្រើពណ៌ ត្នោតនិងប្រផេះបើចង់បានបន្ទប់មានភាពរំហើយសម្រាក។ កម្រិតនៃភាពចែងចាំងក៏ដើរតួសំខាន់នៅទីនេះដែរ។ បើមានអ្វីដែលមានភាពចែងចាំងខ្ពស់ នឹងផ្តល់ពន្លឺនិងភាពការចាំងចែងក្នុងបន្ទប់ ចំនែកឯពណ៌ ដិតនឹងផ្តល់អារម្មណ៍ភាពកក់ក្តៅ។

ទី៧. ជាចុងក្រោយ សាកល្បងលាបជាគំរូ។ វិធីតែម្យ៉ាងគត់ដែលអាចជួយឲ្យអ្នកដឹងថាពណ៌ នោះពិតជាពណ៌ អ្វីលើជញ្ជាំគឺលាបលើគំរូជាមុនសិន។ ដោយគ្រាន់តែលាបលើជញ្ជាំង ឬលើបន្ទះគំរូនៃជញ្ជាំង។ យកបន្ទះគំរូនៃជញ្ជាំងនោះមកធៀបផ្ទឹមជាមួយផ្នែកផ្សេងៗនៃបន្ទប់ដើម្បីឃើញពីសភាពរបស់វា។